Lungverh kawnga lirthei lian tlân dan tur siamrem

Aizawl Traffic SP Stephen Lalrinawma chuan Sairang leh Aizawl inkar, Sakawrtuichhun lam kawnga medium vehicle truck leh a aia lian lirthei tlân dan turah thupek a tichhuak a; thupek zâwm lo chu MV (Amendment) Act, 2019 Section 179 hmanga hrem theih an nih thu a tarlang.

Traffic SP tarlan danin, lirthei lian (HMV/MMV) rit phur lo (a ruak)-te chu Ramrikawn aṭanga Lungverh péng via Sakawrtuichhun kawngah engtik lai pawhin an tlân thei a, Lungverh péng aṭanga Ramrikawn panin tlân phal a ni lo. Thupek hian chhiatrupna thil, kângmei leh rîkrum kaihhnawiha duty, dan leh thupek pawimawh bika police leh magistrate duty-te chêt velna a huam lo thung.