Policy Coordination Committee-in thlai pali lei dan tur an ngaihtuah
Mizoram State Policy Coordination Committee chu nimin khan chief minister Lalduhoma hoin CMO-ah an ṭhukhawm a, thlai pali thlan chhuah lei dan tur an ngaihtuah.
Ṭhutkhawmah hian thlai thar lei dah khawmna tur warehouse neih tawh sa cheiṭhat dan tur te, thlai chìn tamna hmun azira a thar sak belh leh warehouse behchhana sawngbawlna (processing unit) din dan turte an ngaihtuah a; warehouse-te chu rang taka bawhzui ni se an ti. Scheme dang nena kal kawppui (convergence)-a processing plant kalpui theihte tarlan a ni.
Thlai thlan bik palite kumina mipuite'n an chìn zat zirchianna kalpui mek leh thlai hrisel tak an chìn theihna tura department hmalakna te, loneitute hmanraw mamawhte sawiho a ni a; crop insurance lama hmalaknate tarlan a ni. Khaw tina thlai chíngtu pawl (society) din dan sawi lan niin, Cooperation department lamin a rang lamin thuchhuah siam se an ti.
Ṭhutkhawmah hian Sericulture leh Fisheries department enkawltu minister Lalthansanga, Agriculture minister PC Vanlalruata, Horticulture minister Prof. F Lalnilawma, adviser to CM Dr KC Lalmalsawmzauva leh Committee member dangte an tel a ni.