Naktukah kawlphetha a awm dawn lo

Power & Electricity department chuan naktuk Inrinni hian Aizawl leh a chhehvel hmun hrang hrangah darkar sarih chhung kawlphetha a awm dawn loh thu an tarlang.

PE department tarlan danin, naktuk hian 33KV Sub Station, Tlangnuamah hna thawh a nih dawn avangin a châwm khua/vengteah zing dar 9 aṭanga tlai dar 4 inkarah kawlphetha a awm dawn lo. Kawlphetha nei lo tur vengte chu - Nursery Veng, Khatla South, Khatla East, Mission Veng, Model Veng, Mission Vengthlang, Bungkawn H/S Veng, Maubawk, Lawipu, Dihmunzawl, Reiek, Ailâwng, Samtlang, Lungleng, Thakthing Veng, Damveng, Kulikawn, Tlangnuam, Saikhamakawn, Melthum leh Hlimen te a ni.

Naktuk vêk hian 33KV Indoor Sub Station-ah hna thawh a nih dawn avangin a chawm vengteah zing dar 9:30 aṭanga tlai dar 4:30 inkarah kawlphetha pek a ni dawn lo. Kawlphetha hmu lo turte chu - Tuikual South, Treasury Square, Venghlui, Dawrpui, Zarkawt, Chanmari, Electric Veng, Chhinga Veng, Saron Veng, Tuithiang, Armed Veng, Armed Veng South, Aizawl Venglai, Ramthar Veng leh Ramthar North te a ni.