Tuialhthei khuahkhirh a ni

Assam-a Lumding leh Badarpur inkarah rêl kawng a chhiat avangin Silchar-a Indian Oil Corporation depot aṭangin tuialhthei lak theih a ni rih lo a, hei vang hian Mizoram sorkar chuan filling station (petrol pump)-te'n tuialhthei an pek chhuah theih zat

a bithliah.

Food, Civil Supplies and Consumer Affairs department chuan nimin khan thupek chhuahin, "Petrol leh diesel khaihlak a awm loh nan filling station-te'n motor-a an thun theih bâk bûr hmanga pek chhuah loh tur a ni," a ti a; thupek chu mipuiin harsatna an tawh loh nan leh rualkhai taka tuialhthei an chan theihna atana chhuah a nih thu a tarlang.

Buhfai leh mipui ni tin mamawh phurtu truck-te chu challan milin an kal lam leh haw lam daih pek tur a ni.