Savawmin seh; damdawi-inah dah

Lallawma (28) s/o Badendraw, Tumpanglui, Mamit district chu May 1, Nilaini khan an huanah savawmin a seh a, Kawrthah damdawi-inah enkawl mek a ni.

Lallawma chhungte aṭanga Vanglaini thu dawn danin, Lallawma hi May 1 khan an khaw rama an huanah a feh a, huan a sâm laiin chhun dar 12 velah savawmin a bei a ni. Savawmin a beng a seh a, a lu vun a hih bakah, a ke leh malpuiah a hliam.

Lallawma hian ui pahnih a hruai a, a uite hian chhan tumin savawm an bei lêt a, hun eng emaw chen hnuah savawm chu a insaseng. Lallawma te thâwm hi huan danga feh a puzawnin a hria a, a va thlen hnuah damdawi-in an panpui nghal a ni.

Environment, Forest & Climate Change department hotute chuan Lallawma hi damdawi-inah kanin, Rs 2,000 an pe a, an inenkawlna senso an tumsak tur thu an hrilh bawk.