Gelatin, heroin leh meizial man

Assam Rifles sipaite leh Kulikawn police-te chuan May 1, 2024 khan Melthum Silai Mualah Lalfela (45) s/o Vanneiha, Damparengpui, Mamit district nia insawi hnen aṭangin gelatin tlâwn 1,622 leh a kêp (detonator) 200 an man.

May 1, 2024 vêk khan AR sipaite leh CID (Crime) hnuaia Special Narcotics Police Station mite chuan Falkland Veng, Aizawlah Vahnei (30) s/o Malai (L), Siaha ECM Veng leh Thanglianzawn (36) s/o Khaichinkhup (L), Churachandpur, Manipur nia insawite hnen aṭangin heroin gram 598 an man bawk a; heroin hi Rs 4,18,60,000 hû a ni.

Assam Rifles-te chuan May 2 khan Lungpuk khuaah mi pakhat hnen aṭangin Myanmar aṭanga lak luh ram dang meizial báwm 2,200 an man a, Tuipang Police Station-ah an hlân.