MRB loan rulh ṭhat loh vangin Champhaiah in pathum chhuhsak

Nimin khan Champhai district-ah Mizoram Rural Bank (MRB) aṭanga loan la, rûl ṭha lote dahkham in pathum chu Champhai District Magistrate thupek angin chhuhsak an a, MRB kutah hlan a ni. Inte chu bawhzui ṭulte tihfel a nih hnuah lilàm a ni ang.

MRB, Champhai Branch aṭangin Securitisation and Reconstruction of Financial Assets and Enforcement of Security Interest Act,2002 (SARFAESI Act, 2002) hnuaiah mi pathumin loan an la a, in an dahkham a ni. Loan laka rulh ngai zat la awm chu Rs 57,36,424 a ni.

Magistrate thupek bawhzuiin nimin khan sub-divisional magistrate Dr Manesia Khaimeichho kaihhruaiin MRB hotute leh police-te'n loan lâkna atana dahkham inte chu loan rulh ṭhat loh vangin lilàm turin an chhuhsak a; chu'ngte chu Champhaia Zote, Dinthar Veng, Bethel Venga mite a ni. In pathum hlut zawng belhkhawm chu a hniam thei ang bera chhûtin Rs 92,39,329 a tling.