Mimal sikulte'n inkhawmpui an hmang

Mizorama mimal sikul intèlkhawmna, Mizoram Independent School Association (MISA) chuan May 3, 2024 khan Providence School-ah General Body Meeting & Election an nei a; mimal sikula zirtirtu ni mek, MISA member sikul danga thawk tura hna an dil dawnah phalsak an rél.

MISA rorelnaah, an member sikula zirtirtu, an member sikul danga thawk tura hna a dil dawnin phalsak ni se, amaherawhchu, a thawhna sikul aṭangin no objection certificate an nei ngei tur a ni, an ti. MISA-ah Aizawl district-ah mimal sikul 89 an tel mek a, Lunglei sub-headquarters-ah member sikul eng emaw zat a awm bawk.

MISA inkhawmpuiah hian kum 2024-2026 chhunga hruaitu tur an thlang a, president atan Lalnunkunga Sailo, Mount Carmel School an thlang a ni.