Swadesh Darshan kalpui dan tur rêl

Swadesh Darshan 2.0 (Destination Scheme) kaltlanga Champhai district-a tourism chawi lârna tur chungchangah tun hnai khan DC conference hall-ah bawrhsap James Lalrinchhana hoin sorkar hotute leh a kaihhnawihte an ṭhukhawm a; tourism chawi lârna tura pawimawh leh ṭulte an sawiho.

Ṭhutkhawmah hian EGIS India Consulting Engineers hotu te, VC president te, Hotelier Association leh Restaurant Association hruaitu te, Champhai Nature Conservancy leh self help aiawhte group leh tualchhung dehchhuah siam chhuaktute an tel.

Champhai DC chuan, Swadesh Darshan 2.0 kaltlanga hmalakna chu Aizawl leh Champhai district-ahte kalpui a nih thu sawiin, "He hmalakna hi nakin zel thlira khualzin hîp kawnga ṭan lakna leh sum leh pai lak luh nana ṭangkai tur a ni," a ti a; tourism chawi lâr turin thing leh mau leh nungcha humhalh ngaih pawimawh a nih thu a sawi.

Ṭhutkhawmah hian khualzin hîpna tur hmunhma pawimawh awm te, tourist police tihnun dan tur te, hnam dang tourist-te duh tur tualchhung thil siam chhuah chungchang te, hotel leh restaurant kalpui dan te, tour operator leh tourist guide chher te, khawtual siam wine bakah, ei leh in hmanga khualzin hîp dan tur te, faina chungchang te, pípú sûlhnute ṭangkai zawka hman dan turte sawiho a ni.