Pawl 7-in thisen unit 271 an pe

May 4, Inrinni khan Mizoramah pawl pasarihin thisen unit 272 an pe. Civil Hospital, Aizawl tan KṬP, Upper Repub­lic Branch-in an kohhran hall-ah unit 75 an pe a, petute mipa 57 leh hmeichhia 18 an ni a; KṬP, Tuithiang Branch-in blood bank-ah kalin unit kua an pe a, petute mipa pariat leh hmeichhia pakhat an ni.

KṬP, Zemabawk Branch-in an din champha vawi 68-na pualin Synod Hospital tan unit 66 an pe a, petute mipa 54 leh hmeichhia 12 an ni a; KṬP, New Serchhip Branch-in Serchhip District Hospital tan unit 29 pein, petute mipa 24 leh hmeichhia panga an ni.

YMA, Aibawk Branch-in ZMC blood bank tan thisen unit 57 an pe a, petute mipa 45 leh hmeichhia 12 an ni. Civil Hospital, Aizawl blood bank-ah PYD (Mizoram) Bazar Bialte'n unit 32 pein, petute mipa 29 leh hmeichhia pathum an ni a; Aizawl Evangelical Graduates Fellowship-in unit 4 an pek bakah, mahnia a thlàwna petu mi paruk an awm bawk.