Covid-19 volunteer mi 28-te Lungleiah chawimawina hlân

Lunglei district-a Covid-19 donaa hlawh nei loa thawk tura inpe (volunteer) mi 28 hnenah nimin khan Mizoram Government Doctor's Association (MGDA) leh ZONET Cable ṭangkawp chuan TB conference hall, Lungleiah chawimawina thuchei leh Rs. 7,000 ṭheuh an hlân.

Chawimawina hlan inkhawmah hian Lunglei chief medical officer Dr Lalthlamuana chuan, Covid-19 do tura inpete inpekna chu ropui a tih thu a sawi a, "Mizoram mipui tan an inpekna avangin Covid-19 hri darh zel tur nasa takin vèn a ni. Kan district hi Mizorama district lian ber dawttu a ni a, staff indaih lohna karah volunteer-te inpekna avangin harsatna tam tak sutkianin a awm," a ti.

Lunglei Civil Hospital medical superintendent Dr SR Ngurchamliana chuan volunteer-te fuihna thu sawiin, mi dangte tana malsawmna ni zel turin duhsakna a hlân 

a ni.