RAT kit leina tur sum pe

Mizoram Pradesh Youth Congress Com­mittee (MPYCC) president Dr Lalmal­sawma Nghaka chuan nimin khan Rapid Antigen Test (RAT) kit leina atan Synod Hospital hotute hnenah Rs. 1,00,000 a pe.

Dr Lalmalsawma chuan, private hospital leh kohhran enkawl damdawi-inte'n anmahni puala Covid-19 test an tih theih a pawimawhzia an tlangaupui tawh ṭhin thu sawiin, chumi atana MPYCC hmalakna sorkarin a tihlawhtling chu lawmawm a tih thu a sawi a, "Hei hian nasa takin sorkar pawh testing-ah a chhâwk thei dawn a ni," a ti.

MPYCC President chuan, kohhran dam­dawi-inte chu sorkar damdawi-in ang bawka mi harsate belh ngam a nih thu sawiin "Mi harsa berte'n an mangan ber laia an tlan luh ngamna a nih avangin, mipui tan an pawimawh zual," a ti a; kohhran damdawi-inte chu tun aia nasaa mi tlawmngaite leh mi inphalte'n an ngaihsak a pawimawh thu a sawi.