Ruihhlo tihrêm dan tur sawiho

Excise & Narcotics minister Lalnghinglova Hmar, END hotute leh Vaivakawn khawtlang hruaitute chuan nimin khan Chief Secretary conference hall-ah Vaivakawn huam chhunga zu leh ruihhlo do dan tur leh zuartute tihrêm dan tur an ngaihtuah.

Lalnghinglova Hmar chuan, ruihhlo do chu huphurh loin, inthuruala khawtlangin an beih phawt chuan an hlawhtlin ngei a beisei thu sawiin, "Dan loa zu leh ruihhlo khawihna hmun hrang hrangte chu thian famkim thei rih lo mah ila, Vaivakawn huam chhung bik chu kan thian fai dawn," a ti a; Vaivakawn huam chhunga zu leh ruihhlo khawih ṭhinte chu sorkar leh khawtlang then fai ngai loa inthiarfihlim turin a chah.

Ṭhutkhawmah hian Vaivakawn Local Council member te, YMA, MUP, MHIP, Vaivakawn Siamṭha Pawl hruaitute an tel a; END aṭangin secretary Lalramsanga Sailo, commissioner Z Lalhmangaiha leh officer dangte an tel.

Vaivakawn khawtlang hruaitute'n zu leh ruihhlo donaa hma an lo lak dante leh hmalak zel dan tura rawtnate an sawi a; inràwnkhawmna la neih leh a, hmalak vat a ṭul thu an sawi a ni.