IFoS-te tan Aizawlah inzirna buatsaih

Aizawla ICFRE-Bamboo & Rattan Centre, Chennai-a National Centre for Sustainable Coastal Management leh Indian Institute of Forest Management, Bhopal-te ṭangho nimin aṭang khan Aizawlah ni thum awh tur Indian Forest Service (IFoS) officer-te tana inzirna, 'Workshop on Preparation of Ecosystem Health Card an buatsaih ṭan.

IFoS workshop-ah hian India rama state hrang hrang aṭangin mi 30 vel an tel a, Mizoram sorkara Environment, Forest and Climate Change (EFCC) secretary H Lalengmawia'n a hawnna inkhawm a hmanpui. Mizoram sorkara additional principal chief conservator of forest Kamal Preet chu khualzahawm a ni.

H Lalengmawia chuan, Mizorama ramngawte dinhmun sawiin, "Ramngaw hi mi náwlpuiin châk an lâkna tam ber a ni," a ti a; ramngaw tihchereu nasat vanga harsatna Mizoramin a tawh mekte a sawi. ICFRE-RFRI, Jorhat director Dr Nitin Kulkarni pawhin biakhmuhna kaltlangin chibai bûkna thu a sawi bawk.

Zirhona hun hman chhungin mithiamte'n thupui chi hrang hrang an sawi dawn a; IFoS officer-te chu ramngawte zir chiang turin Reiek tlang leh a chhehvelah field visit neihpui a ni bawk ang.