Tuialhthei khuahkhirhna titawp

Food, Civil Supplies & Consumer Affairs department chuan nimin khan hriattirna chhuahin, lirtheia petrol leh diesel lâk theih zat bithliah chu titawp a nih thu a tarlang a; bûr/gallon/barrel hmanga tuialh­thei lâk khap a nih thu a tarlang tel.

FCSCA chuan, thupek chu thu leh awm hma atan khauh taka zawm tur a nih thu a tarlang a, "Petrol pump zawng zawngte'n ni tin an stock report FCSCA Director/ bialtu DCSO-ah an thehlut tur a ni. Dead stock tel loin petrol-ah litre 3,000 leh diesel-ah litre 5,000 a nih chinah FCSCA Director/ bialtu DCSO phalna loin pek chhuah tawh loh tur a ni," a ti. Bûr/gallon/barrel-a lak tumte pe lui an awm chuan dan angin hrem an nih dawn thu a tarlang bawk.