Sik leh sa inthlâk chungchang zirho

Science & Technology department, National Council for Science & Technology Communication leh Mizoram University chuan nimin aṭang khan Zemabawk High School-ah ni nga awh tur 'Seminar on towards a climate resilient society - Sensitization of climate change to the society through the intervention of visual art in Mizoram, India' tih an buatsaih.

Zirhona hawnna inkhawmah MZU controller of examination Prof. Lalnuntluanga khuallian a ni a; khuallian chuan, ram leh hnam hmasawn nan science a pawimawh a, a ṭangkai thu sawiin, "Sik leh sa danglam zel tihziaawm nan pawh science bawk hi hmanraw pawimawh a ni," a ti. Khualzahawm Prof. SK Tripathi pawhin sik leh sa inthlak danglam zel bei lêt tura inbuatsaih sauh sauh turin zirlaite a chah.

Seminar buatsaihna project hnuaiah hian district hrang hrang palia high school ṭhenkhatah seminar neih tur a ni a, thil pawimawhte zirtir turin Mizoram chhung leh páwna science zirna leh research centre-a thawkte sàwm an ni.