DDUGKY alumni support sem a ni

Mizoram State Rural Livelihoods Mission (MzSRLM) hmalaknain Deen Dayal Upadhyaya Grameen Kaushalya Yojana (DDUGKY) hnuaia ṭhalai training zote hnenah nimin khan Rural Development minister Lalruatkima'n a pisaah alumni support a sem.

Lalruatkima chuan, MzSRLM hmalakna hnuaiah sorkar laipui scheme DDUGKY kalpui a nih thu sawiin, "Thingtlang ṭhalaite tan hmasawnna thlentu ropui tak a ni a, thiamna leh eizawnna ṭha tak tak an hmu chho mek. He hmalakna hmang hian thingtlang ṭhalaite'n eizawnna an neih theih nana kawng kawhhmuha chher chhuah bakah enkawl zui zel tum a ni," a ti.

Alumni Support hi DDUGKY hnuaia thiam thil hrang hrang zir chhuak tawh, Covid-19 vanga an hnathawh chhunzawm thei loa Mizorama rawn hawte hnenah an mamawh zual phuhrûk nan leh DDUGKY hnuai veka train chhuak, hripui kara hna la thawk chhunzawm mekte hnenah pek a ni. Ṭanpuina hi mi 207 hnenah Rs. 8,28,000 sem a ni.