Lirthei chesualah mi 3 an thi

Nimin zing dar 2 vel khan, Meghalaya-a state chhunga Lumsnong bula Mizoram maxicab MZ-01 J-8927 a chesual a, a hmunah mi pahnih an thih bakah, mi pahnih an hliam. Inrinni zan dar 9 vela Chhawrtui khaw dáia truck chesualah mi pakhat a thi bawk.

Shillong Mizoram House-a deputy resi-dent commissioner Ja-cob Lal-awm-puia hnen aṭang-a thu dawn danin, maxi-cab hi Aizawl aṭanga Shil-long lam pan a ni.

Thite chu - Thang-hmingmawia (22) s/o Rohmingliana, Suang-puilawn leh Rasa Chozah (42) s/o Beimo Chozah, Saiha College Veng an ni a; Lalrindika, Lunglei Bazar Veng nia hriat leh Kumar-a, a address hriat lohte an hliam.

Mizo maxicab chesual a awm tih an hriat veleh Jowai Mizo Welfare hruaitute leh Shillong-a YMA hruaitute'n a hmun an pan nghal a; hliamte chu Khleihriat damdawi-ina lak an nih hnuah NEIG-RIHMS panpui leh an ni.

Inrinni zan dar 9 vel khan Aizawl aṭang-a Lungpho pana tlân Ashok Leyland truck chu Chhawrtui khaw dáiah chesualin, kawng thlang metre 200 vela thui a lum a; a hmunah hian handyman Laldinpuia (18) s/o Manliana, Chhippui Kawnmawi, Mamit dis-trict a thi. Driver Lal-ṭan-puia, Chhippui Kawn-mawi pawh a hliam a, ngaihtuahawm erawh a ni loa thu dawn a ni.