Aizawl dist-ah hmun 21-ah kângmei chhuak

Green Mizoram Network (GMN) chuan State Level Fire Prevention Committee-in Aizawl district-a 108-ah ram kâng chungchang zir chianna, Fire Prevention Monitoring & Evaluation Report hna thawk tura a tih angin an zir chiang a, tun hnai khan sorkarah report thehlutin, Aizawl district-ah kumina lo hâl vangin hmun 21-ah kângmei a chhuak tih an tarlang.

GMN report tarlan danin, kumin ṭhál lai khan Aizawl district-ah lo hâl vanga kângmei chhuak hmun 21-ah a awm a, thil dang vanga kângmei chhuak hmun thumah a awm bawk. Sorkarin lo hâl hun hnuhnung a siam, March 15, 2016 chuan zawm a hlawh thawkhat a; zawm vek thei khua 78 awmin, ruahsûr vanga a huna hâl thei lo khaw 13 an awm thung.

Kum 2016 chhung hian Aizawl district-ah kângmei chungchang inzirtirna (awareness campaign) vawi 46 neih a nih thu leh, Aizawl District Fire Prevention Committee, Aizawl DLAO, Aizawl DFO leh State Level Sub-Committee-te hmalaknate avangin kum dang zawng aiin ram kâng a tlem thu an tarlang bawk.