Assamese kût Rongali Bihu lawm a ni

Assam Cultural Society (ACS) buatsaihin Inrinni khan Vanapa Hall-ah Assamese kum thar kût. 'Rongali Bihu' lawm a ni a, chief minister Lal Thanhawla'n a hmanpui.

Chief Minister chuan, kût hmangtute chu kum ṭha tak hmang turin duhsakna a hlan a, "India ram, a bikin hmarchhak state-te hian hnam ziaráng inang lo tak tak kan nei a, chu'ng zingah chuan Assam hnam ziarâng hi a hausa leh huap zau ber a ni. Hmarchhak state dangte pawhin ú anga kan en leh min phuar khawmtu ber a ni," a ti a; hnam ziarángte chu inzahsak tawnin, inpumkhatna ṭha siam a ṭul thu a sawi.

CM Lal Thanhawla hian Assam Cultural Society (ACS) ṭanpuina atan Rs. 1,50,000 a hlan a ni.

Rongali Bihu hi kum 2004 aṭang khan ASC huaihawtin Aizawlah kum tin hman a ni a, hmarchhak hnam hrang hrangte huap kim thei turin hnam hrang hrang zai leh lam entir a ni ṭhin a; Mizorama Assamese awmte leh hnam dangte eng emaw zat an tel ṭhin.