PRRS avanga harsatna tâwkte Vety dept.-in tlawh vek an tum

AH&Vety department chuan thuchhuah siamin, Porcine Reproductive & Respiratory Syndrome (PRRS) lêng mek vanga vawk vulhtu harsatna tawkte chu an inah kal chilha tlawh chhuah vek an tum thu an tarlang.

AH&Vety department chuan, "PRRS lêng mek chungchangah hian department chuan theihtawp a chhuah a, economic lamah hloh zat pawh chhût mek a ni. Kan Minister duh dan angin, vawk vulhtute chu a theih chen chenah an inah pan tura hriattir an ni. Pan loh an nei a nih pawhin indaih loh vang a ni ang," an ti.

PRRS lêng vanga chiai lo turin mipui an chah a, "PRRS darh zel tur veng tur hian kan ṭan tlan a ngai a, department chu hri lêng mek a reh theihna atan hian theihtawp a chhuahzel a ni," an ti a; vawk vulhtute chu an vawk damlote sa zuar hnena leitir lo turin an ngen a ni.