Thla 4 chhungin dengue vei mi 110

Health & Family Welfare department hnuaia State Vector Borne Disease Control Programme chhinchhiah danin, kumin 2024 chhungin April thla thleng khan Mizoramah dengue vei 110 hmuh a ni.

State Vector Borne Disease Control Programme chhinchhiah dan chuan, Aizawl West, Aizawl East leh Lunglei district-ahte dengue a hluar zual a; heng district pathumahte hian dengue a hluar bik tih thisen endikna aṭangin hmuh a ni.

Kuminah dengue vanga thi Mizoramah an awm lo a, nikum chhung khan dengue vangin mi pahnih an thi thung.

Health department hotute chuan, dengue vei nia inringhlel an awm chuan a rang thei ang bera damdawi-in pan a, thisen endiktir turin mipui an ngen.