DC-in ráltlânte awmna a tlawh

Champhai district bawrhsap James Lalrin­chhana, District Level Committee on Myanmar and Bangladesh Refugees chairman chuan nimin khan Khuangléng khuaa ráltlânte awmna hmun refugee camp a tlawh a; ráltlânte chu khawtlang hmalakna ṭha taka thláwpa ṭawiàwm zel turin a chah.

Champhai Bawrhsap hian Khuangleng Village Committee on Myanmar and Bangladesh Refugees-te ruahmannaa ráltlânte chênna leh ni tin mamawh phuhrûk dante a enfiah a ni.

Khuangleng Village Committee on Myanmar and Bangladesh Refugees tarlan danin, Khuanglengah hian Myanmar ráltlân mi 84 vel an awm mek a, chu'ng zinga mi 64 chu refugee camp-ah awmin, mi dang 20 chu khaw chhungah in luahin an khawsa a ni.

Champhai DC chuan, ráltlânte chu ram dan leh sorkar thuchhuahte ṭha taka zâwm tur leh khawtlang hmalakna ṭha taka thláwpa ṭawiawm zel turin a chah a; ráltlân khuahkhirh leh chhawm­dawl chung­changah Village Committee-te chu District Committee thuchhuah leh sorkarin inkaihhruaina a siamte ṭha taka kengkawh tur te, thu thar leh hmalak ngaite bawhzui nghal zel tur leh District Committee hnena thil awmzia thlen nghal zel turin a chah bawk.