MRB Union hruaitute'n CM an kâwm

Joint Council of Mizoram Rural Bank Union hruaitute chuan nimin khan chief minister Lalduhoma chu a pisa­ah an kawm a, Chief Minister's Relief Fund atan Rs 4,00,000 an hlan.

MRB Union hruaitute chuan, an dinhmun chawikànna tur leh an mamawhte Chief Minister-in sorkar laipuia Ministry of Finance-ah a lo thlen chu an lawm thu hrilhin, "MRB-a thawkte mai ni loin, All India Regional Rural Bank Association pawhin ropui an ti a ni," an ti.

Chief Minister hian February 10, 2024 khan Union Finance minister of state Dr BK Karad hnenah MRB hmasawnna tur a thlen a; Mizo ṭhalaite regional rural bank-ah tam zawk an luh theih nan special recruitment examination tur te, SBI thawkte nena allowance intluktlang pek leh bank ṭhenkhat, loan diltute income tax return document phût ṭhinte'n Mizote chu income tax pe ve lo an nih avangin ngaih­hnathiam an nih theih nan hma la turin a ngen a ni.

CM Lalduhoma chuan, Finance minister of state Dr BK Karad hnena a thlente chu rei lo têah a taka hmuh a beisei thu MRB Union hruaitute a lo hrilh.