Chetsualna vangin thi

PC Lalringzuala (68), Champhai Zotlang chu lirtheia an chetsualna avanga a hliam tuar loin May 6, Thawhṭanni tlai dar 4:10 vel khan Zoram Medical College-ah a thi. 

PC Lalringzuala hi a driver nen Tata Yodha-in April 23, 2024 khan Zokhawtharah an kal a, an haw lam chu zan dar 11:30 ve velah Melbuk leh Mualkawi inkarah kawng thlangah an tliam a ni. PC Lalringzuala hian hliamna tak tuarin, a driver erawhin hliamna lutuk a nei lo thung. ZMC-a enkawl tura phurh thlak niin, May 6 tlai khan a hliam tuar loin a thi.