CM's Rubber Missions kalpui dan tur ruahmanna CM-ah thlen

Tripura-a Chief Minister Rubber Missions kalpui dan zira kal Land Resource, Soil & Water Conservation (LRSWC) department official-te chuan May 6, Thawhṭanni khan chief minister Lalduhoma hnenah an zinna chanchin an hrilh a; Mizorama Chief Minister's Rubber Missions kalpui dan tur ruahmanna an thlen nghal.

Chief Minister-in December 23, 2023-a Rubber Board of India chairman Dr Sawar Dhanania nena an inkawmna kal zelah LRSWC department thawktute chu Tripura sorkarin August 2021 aṭanga CM Rubber Missions an kalpui dan zir tura tih an ni a; department officer pathumte'n a hmuna an zir chian hnuah an zinna chanchin CM hnenah an hrilh a ni.

Tripura state sorkarin kum 2021 aṭanga Rubber Board, NABARD, in-road programme, ATMA leh MGNREGA-te ṭang khawm hmanga an kalpui CM Rubber Missions chu ram hectare 30,000-a zauah kalpui a ni.

LRSWC officer-te zirchianna behchhan hian Mizoram mila ṭha leh felfai zawka kalpui dan tur tlangpui duan nghal a ni a; a ṭul anga la thlir zui zel ni se, an ti.