Police lemchang hnen aṭangin Royal Stag ûm 348 an man

Lunglei Police hnuaia District Special Branch-a police-te chuan nimin zing dar 2:30 vel khan Lunglei Pûkpuiah sapzu Royal Stag ûm 348 an man. Zu kawltuin police identity card lem a kawl.

Lunglei DSB-a police-te hian Pûkpuiah Aizawl aṭanga Lunglei pana tlân Francis Lalchhanhima (32) s/o Daniel Darngawn, Khatla East, Aizawl nia inchhál khalh Bolero MZ-02 B-6689 an endik a, a chhungah Royal Stag ûm puitling 348 hmu chhuakin an man nghal. Zu an man hi Lungleia hralhna ang chuan Rs 4,17,600 hùa chhût a ni.

Francis Lalchhanhima hian police ID card a neih avangin a tirah chuan police emaw an ti a, a ID card an zir chian hnuah leh thu an zawhfiah hnuah a lem a ni tih hriat a ni. Lunglei Police Station-ah thubuai ziah luh a ni.