FLAM-in Chief Minister an kâwm

Former Legislators Association of Mizoram (FLAM) hruaitute chuan nimin khan chief minister Lalduhoma an kâwm a, Chief Minister an lawmpui thu leh a ṭul apiangah a kaihhruai sorkar an thlàwp tlat tur thu an hrilh.

FLAM hruaitute chuan, Deputy Speaker tan bangalow neih ṭul an tih thu te, MLA Hostel chu a hlui tawh avangin sak ṭhat ṭul an tih thu te, an member MLA hluite medical reimbursement chungchanga an harsat­nate an thlen a ni. An thu thlente chu a theih anga a lo bawhzui tur thu Chief Minister chuan a sawi.

MLA hluite intèl­khawmna pawl FLAM hian Chief Minister's Relief Fund atan CM Lalduhoma hnenah Rs 1,00,000 an hlan bawk.

FLAM-ah hian MLA hlui mi 116 an awm a, an kawppuite nen member 177 an awm mek a ni.