CHITE LUI THIAN FAI

 Armed Veng Middle School-a Youth & Eco Club huaihawtin nimin khan Chite lui thenfai hnatlang neih a ni.

Hnatlanga thawk chhuak zirlaite'n bawlhhlawh tam tham tak an chhar khawm a, bawlhhlawh paihna atan AMC-a bialtu corporator Christina Roluahpuii Sailo-in pick-up a thawh a ni.

Zirlaite chu bawlhhlawh paih fimkhur loh vanga leilung leh a chhunga awmte (environment) chhiat dan te, lui leh nungchate'n an tawrh nasatziate a taka hmuhtir a, environment chhanna tura pawimawhte zirtir an ni bawk.