16th Finance Commission-a rawtna thlen turte ngaihtuah

Finance department enkawltu chief minister Lalduhoma hoin nimin khan a pisaah Finance department hotute an ṭhukhawm a, 16th Finance Commission-a rawtna thlen turte an ngaihtuah.

Meeting-ah hian kum nga chhunga Mizoram sorkar sum hmuhna leh hman ralna te, leiba neih dan leh rulh dan turte sawiho a nih bakah, kum nga hma lama dinhmunte zirho a ni a; April 2026 aṭanga hman ṭan tur sorkar laipui leh state sorkarte sum insem dan duangtu tur 16th Finance Commission-a thlen tur rawtnate an duang a ni.

Ṭhutkhawmah hian, hmasawnna inkhairual leh mi tin huap zo a awm theih nan uluk takin rawtna duan ni se, an ti a ni.