Jail táng tlan chhuak pahnih man

Champhai police-te chuan November 30, 2023 zinga Central Womens' Jail aṭanga tlân chhuak mi pathum zinga pahnih, Lalchhanmawii leh Lalruatsangi chu May 11, Inrinni khan an man.

Champhai police-te chuan tun hnai khan heroin kaihhnawihah mi pali an man a, chu'ng mite chuan Lalchhanmawii hnen aṭanga an lâk niin an sawi a, Lalchhanmawii phone number pawh an lo nei a ni. Police-te chuan mobile phone number aṭangin an chhui zui a, Lalchhanmawii chu Inrinni tlai khan Champhai Jail Vengah an man.

Lalruatsangi chu jail aṭanga a tlan chhuah hnuah Khaw­mawi, Myan­mar-ah a chêng a, May 11, Inrinni zana Zokhawthara a kal chu police-te'n an lo man ve leh bawk.

Lalchhanmawii leh Lalruatsangi hi heroin kaihhnawiha man ve ve an ni.