Mizoramah Nurses Day hman a ni

Kumina International Nurses Day (May 12) pualin chawlhkar kal ta khan Mizoramah Nurses’ Week hman a ni a, Mizorama damdawi-in hrang hranga nurse-te'n an remchan dan angin an hmang.

Kar kal ta khan damdawi-in leh zirna ina thawkte leh pension tawh nurse-te chuan an remchan angin an hmang a; damlote tan a thlawnin thisen an pek bakah, hmun hrang hrangah ṭanpuina eng emaw zat an sem a ni.

Nursing school eng emaw zat chuan hriselna chungchang inzirtirna (health talk) an hmang a, hmun eng emaw zatah a thlâwnin blood pressure leh blood sugar endik te, damdawi-ina damlote hnena ei tur sem te, thingtlanga a thlawna inentirna buatsaih te, NCD screening te, thupui zirhona te, intihhlimnate an buatsaih bawk.

International Nurses Day hi nurse ropui Florence Nightingale pian champha May 12-ah kum tin hman ṭhin a ni a, kumina thupui chu 'Our nurses, our future, the economic power of care' tih a ni.

Nurses Day hi ram 138-in an zawm a, World Health Organisation chuan mi 1,000-ah nurse pathum zel an awm tura ngaih a nih thu a tarlang. Khawvelah nurse nuai 279 vel awm anga ngaih a ni.