A pasalin kut a thlak tûkah thi

Veronica Lalkraws­thangi (34), Khawilailung chu a pasal Lalthlangkima (26)-in kut a thlak tûkah a mu kaihthawh zawh a ni lo.

Vanglaini thu dawn danin, Lalthlangkima hian May 11, Inrinni zing khan a nupui a kaihthawh zawh loh thu mobile phone hmangin a pizawn H Lallianzeli a hriattir a ni.

A pizawn chu Lalthlangkima te inah kal nghalin, a fanu an en chian chuan kutthlakna avanga thi a nih ngei a rin avangin police hnenah a hriattir dawn thu a sawi a; Lalthlangkima chuan a pizawn hnenah, a nupui chu kut a thlâk thu leh a duh aia náa kut a thlak avanga thi a nih theih thu a sawi chhuak bawk.

North Vanlaiphai police-te chuan Lalthlang­kima chu lain, thu an zawhfiah hnuah nimin khan jail-ah dah a ni.

Lalthlangkima hian a nupui kut a thlâk tih chu police hmaah pawh a pha lo a ni.