Kuhva rah leh heroin man

Champhai police-te leh Assam Rifles-te chuan May 11, 2024 tlai dar 3:50 khan Tlangsam khaw dáiah 407 truck MZ-04 A-4865 aṭangin kuhva ro ip 50 (kg. 4,000) an man a, Rs 12,00,000 hû a ni. Kuhva ro chu dan loa Myanmar aṭanga lak luh nia rin a ni a, Champhaia Custom Prevention Force hnenah an hlân.

May 11 vek khan zan dar 6:30 velah Champhai police-te'n Khankawn police check-gate bulah Aizawl lam pana tlân Maruti A-Star car AS-24 A-6205 aṭangin heroin ni ngeia hriat kg. 1.110 an man a, Rs 33,30,000 hû a tling. Lirthei khalhtu Paumuansanga (22) s/o Gianzapauva, Champhai Kanan lakah Champhai Police Station-ah thubuai an ziak lut a ni.