CM hoin NIP project sawiho

Nimin khan chief minister Zoram­thanga hoin a pisaah National Infra­structure Pipeline (NIP) project sawiho a ni; NIP hnuaia Mizoram tana project hrang hrang ruahman leh hmalak dan tur sawiho a ni.

National Infrastructure Pipeline hi sorkar laipuiin kum 2019-a a bul ṭan a ni a; hmasawnna ruhrel lian tham leh tluantling ram puma siam a nih theih nan kum nga chhunga thawhna atan cheng nuai vbc.102 a ruahman a ni.

NIP-ah hian kawlphetha (energy), kawngpui (road), rél kawng (railways) leh khawpuia hmasawnna ruhrel (urban infrastructure) dinte chu ngaih pawimawh zual a ni a; centre leh state sorkarte'n 39% ve ve share neiin, private sector-in 22% share an nei thung.

Nimina ṭhutkhawmah hian deputy chief minister Tawnluia, Planning Board vice chairman H Rammawi, chief secretary Lalnunmawia Chua­ngo, additional chief secretary JC Ramthanga leh Planning secretary Dr Vanlalramsanga te pawh an tel a ni.