Naupang 119 ṭanpuina pe tawh

Women & Child Development department hnuaia sorkar laipui aṭanga naupang ṭanpui ngaite ṭanpuina pek chungchanga hriat tur pawimawh inzirtirna nimina Parish Hall, Kolasib-a buatsaiha tarlan danin, Kolasib district-ah naupang chhawmdawl ngai mi 119 hnenah thla ruk atan ṭanpuina Rs 4,000 ṭheuh pek a ni tawh.

Sensitization Programme for Spon­sorship & Foster Care Beneficiaries-a tarlan dan chuan, ṭanpuina dawng tura naupang thlan chhuahte hnenah thla tin Rs 4,000 pek ṭhin a ni a; sikul an kal theihna atan te, hriselna enkawl nan leh ei tur ṭha leina atana hman tur niin, an hman dan felfai taka chhinchhiahna thehluh leh ṭhin tur a ni.

Zirhona hi Kolasib district child development officer (DCPO) Zaitinvawra'n a kaihruai a; khuallian John LT Sanga, district bawrhsap chuan, Sponsorship & Foster Care hnuaia hamṭhatna awmte chu naupang ṭanpui ngaite'n naupang dangte ruala hmasawnna an hmuh ve theih nan ruahman a nih angin, a nihna tur takah chauh hmang turin hmaṭhatna dawngtu naupang nu leh pate a chah.

Tarlan danin, Sponsorship & Foster Care atana sum hmuhte chu Juvennile Justice Care & Protection Act, 2005 hnuai aṭanga hmuh a ni a, kum 18 hnuai lam tan dil theih a ni.