Bike chesuala thite vui an ni

May 12, Pathianni tlai khan Chhingchhip leh Chhiahtlang inkarah Lalvensanga (22) s/o Vanlalpeka leh Lalmuanzuala Sailo (21) s/o Lalvawnliana (L), Serchhip Chhimveng ve ve chu an bike khalh ve ve hmanga chesualin an thi a, nimin khan vui an ni.

Thu dawn danin, Lalvensanga leh Lalmuanzuala Sailo te hi bike an khalh ve ve a, Chhingchhip leh Chhiahtlang inkarah intái/insu palhin na takin an hliam a, damdawi-in thlenpui an nih hnuah an hliam tuar loin an thi. Mi pahnihte hi an nute unau an ni a, inṭhenawm hnai an ni bawk.

Lalvensanga leh Lalmuanzuala Sailo ruang hi nimin chawhma lam khan Serchhip District Hospital-ah endik a ni a, chhun dar 12-ah Serchhip Chhimvenga Modern School kawtah a rualin vui an ni.