



Result chhuakah party-te lawm
MNF party chuan chuan thuchhuah siamin, MBSE-in HSLC 2024 result tluang taka an tichhuak thei chu lawmawm an tih thu leh an tarlang a, "Zirlai hlawhtlinna chang zawng zawng thinlung takin kan lawmpui. Hlawhtling zo ta rihlote pawh beidawng mai loa theihtawp chhuah chhunzawm zel turin kan fuih," an ti. result-ah dik lo a awm loh an beisei thu an sawi bawk.
ZPM Ṭhalai pawhin thuchhuah siamin, HSLC pass tharte an lawmpui rualin, hlawhtling ve lote an tawrhpui thu an tarlang a, "Hlawhtlinna chang zo ve ta lote kan tawrhpui a, beidawng loa theihtawp chhuaha bei chhunzawm ṭheuh turin kan ngen. CBSE hnuaia result ṭha tak nei zawng zawngte kan lawmpui tak zet bawk," an ti a; zirlaite chu an hma lam hun atan duhsakna an hlân.