Governor leh Pushpak CE inkâwm

Pushpak chief engineer thar Brig. Girish Prasad Sing chuan nimin khan Raj Bhavan-ah Governor Dr Hari Babu Kambhampati a kâwm.

Brig. Girish Prasad Singh chuan, hna a thawh tawh ṭhinte a sawi a; ramri hrûla kawng siam hna thawh mekte leh Border Roads Organisation (BRO)-in hmachhawp a neihte Governor a sawipui a ni.

Governor Hari Babu Kambhampati chuan, project kalpui hmaa uluk taka ruahmanna siam lâwk leh a hun taka hna zawh a pawimawh thu Pushpak CE a hrilh.