Gandhi leh faina chungchang zirho

Press Information Bureau (PIB), Aizawl chuan nimin khan 'Relevance of Gandhiji's campaign on cleanliness' tih thupui zirhona, webinar an buatsaih.

Webminar-ah hian UDPA joint director Rita Pachuau chuan, hripui dona atan Swachh Bharat Abhiyan a ṭangkai thu a sawi a, "Mahni invawn fai nacháng kan hriat chuan Covid-19 hripui léng do hi thil harsa a ni lo. Mipui náwlpuiin kan nun dan phung kan thlak danglam a pawimawh," a ti.

PIB, Aizawl assistant director Sharig Noor pawhin thu sawiin, "Kan ni tin nuna India hnampa zirtirnate a taka kan nunpui a, Prime Minister kaihhruaina hnuaia Covid awareness campaign-ah ṭhahnemngai taka tel hi hnampa kan chawimawina a ni," a ti.

Webinar-ah hian NE zone-a Ministry of I&B official te, media lam mite leh state sorkar official 20 chuang an tel a ni.