Covid-19 zirchianna tlangzarh a ni
Institute of Advanced Studies in Education (IASE) leh Khawzawl College ten Covid-19 hripuiin khawtlang a nghawng dan an zir chianna bu, 'Awareness of Covid-19 pandemic and community response to the challenges posed: An analytical study of Aizawl south city area and Khawzawl town' tih chu nimin khan Health minister Dr R Lalthangliana'n a pisaah a tlangzarh.
IASE leh Khawzawl College hian March 23, 2020-a Mizorama inkhàrkhip (total lockdown) ṭan a nih khan lockdown-in mipui leh khawtlanga nghawng a neih dan an zir nghal a; inkhàrkhip leh Covid-19 vanga veivah a remchan loh avangin online leh mobile phone hmangte'n an theih ang angin research an kalpui a ni.
Aizawl chhim lam veng panga - Upper Republic, Republic Veng, College Veng, Bethlehem Veng leh Salem Veng bakah, Khawzawlah zirbingna hi kalpui a ni a, June 2020 tàwp khan an zo a ni.