MCEA-in a rûka thil ti-ah MPSC an puh

Mizoram Civil Engineer’s Association (MCEA) chuan thu-chhuah siamin, Mizo-ram Public Service Com-mission (MPSC) chu PHE department hnuaia AE/SDO post pakhat hnawhkhahna tur a rûka laah an puh a; MPSC chu an thil tih sût leh turin an phût.

MPSC-in advertise-ment no. 12 of 2015-2016 dated 29.06.2015 hmanga post pahnih dil theih tura an tlangzarh leh post pakhat dik lo taka a rûka an lo hnawhkhat chu ṭha lo an tih thu sawiin, MCEA chuan, "He thil hi MPSC hotute pawh sawipui tawh ṭhin a ni a, awmzia a awm loh avangin High Court-ah MCEA hmingin zualko a ni," an ti a; an thu thlen chu High Court-in May 4, 2016 khan a chinfelsak niin an tarlang.

MCEA chuan, High Court thutlukna angin PHE department-a AE/SDO post pakhat, MPSC-in a rûka an lo hnawhkhah hi chu sût leh thuai tur leh, dik leh fel fai taka advertisement chhuah thuai turin MPSC an phût a, "Hna lak awm reng rengah dik leh felfai leh langtlang taka kalpui zel turin MPSC hotute kan beiseiin kan phût a ni," an ti.