MP-in Jal Shakti Minister a kâwm

Rajya Sabha MP K Vanlalvena chuan October 7, Nilaini khan Jal Shakti minister Gajendra Singh Shekhawat chu a pisaah a hmu a, minister ruahmanna anga Rajas-than state-a ruahtui khâwlna an kalpui dan a zir chianna chanchin a hrilh bakah, Mizoram tana hmalak ve dan turte an sawi dun.

K Vanlalvena chuan, Union Minister hnenah hian Mizoram chu tláng ram a nih avang leh khaw tam ber chu tláng panga awm a nih avangin Rajasthan-a ruahtui khâwlna an kalpui dan ang diak diaka tih ve a remchan loh thu a hrilh a; ruahtui khâwl dan chi thum - tláng chhipa tuizém lian siam, khaw sír leh hmun remchang laia tuikhuah siama solar power hmanga tui pump leh, in chunga ruahtui khawlna tuizem siam chungchangah hma lakpui turin a ngen a ni.

Gajendra Singh Shekhawat pawhin, Mizoram leilung mila ruahtui khâwlna project kalpui a nih tur thu leh chak taka hmalak a tum thu a sawi bawk.