EduFest 2016 nei mek

Zalen chanchinbu leh Lynchpin ṭangkawp chuan, nimin khan Assembly Annexe building chhawng hnuai berah EduFest vawi 14-na an buatsaih leh ṭan a, vawiinah chhunzawma zawh a ni ang.

EduFest hawnna inkhawmah Zalen editor Vanlalrema Vantawl chuan, EduFest chu zirlaite tan thil ṭangkai a nih avangin zirlaite'n hmang ṭangkai zel se a duh thu leh, zirna in ṭha tak tak, India ram pum huap pawha ṭhate an rawn inpho chhuah thu a sawi a; EduFest chu sumdawnna ni loin, ram leh hnam tana thil ṭha pho chhuahna a nih thu a sawi bawk.

EduFest-ah hian India rama zirna in 24 an tel a, a duh a hmunah admission leh counselling tih theih a ni. Vawiin tlai dar 5-ah khâr a ni ang.