Ration card la peihfel lo

Food Civil Supply & Consumer Affairs (FCSCA) dept. chuan, ration card dik lo siamṭhat hna chu April-ah zo turin in sawi mah se, nimin thleng khan an la siam ṭha zo lo.

FCSCA hotute hnen aṭanga thudawn danin, ration card siamṭhat hna hi ngawrh taka thawh nimah se, an tih theih piah lamah power supply leh internet lamah harsatna a awm avangin an tum hunah an zo kim thei lo. Tunah hian an hrual mum thawkhat tawh a, a la print out theih lo deuh.

Hetihlai hian hmun ṭhenkhatah chuan ration card hi sem chhuah a ni tawh a, sem chhuak mekte pawh an awm. FCSCA hotute chuan ration card dik lo hi a rang thei ang bera siamṭhat kim an tum thu an sawi.