MJA member damlote Ṭanpuina tur sum tifel

Mizoram Journalists Welfare Society (MJWS) Governing Board chu nimin khan an chairman B Lalthanliana, IPR secretary hoin an ṭhukhawm a; journalist 15 hnenah damloh vanga an inenkawlna senso phuhrûkna tur leh journalist tthite ràlna sum eng emaw zat pek chhuah an remti.

MJWS Governing Board meeting chuan,. MJWS danin a phal angin, journalist damlo te, an chhungte damlote inenkawlna tur sum pek tur an bithliah fel a; MJA member pakhat thi ràl nan Rs. 1,00,000 pek turin an ti bawk. Hetih lai hian, MJWS dan hman mek chu a ṭhen siam ṭhain, sorkar pawmpui tura kaltir mek a nih thu an sawi.

MJWS Governing Board meeting-ah hian MLA Chalrosanga Ralte, IPR joint director Lalnithangi, Finance joint secretary Ramchuana, Health department aiawh Dr Zothantluanga, IPR officer Lallianpuii te bakah, MJA aṭangin vice president Zonunsanga Khiangte leh treasurer R Lalhmangaihzuala te an tel.