Covid-19: Mizoram dinhmun ZMC-ah hri vei hmuh belh lo

Nimin khan mi pasarih chhuahtir an ni a; SRH-ZMC leh Lunglei Sazaikawn CCC aṭangin mi pathum ve ve leh Chhiahtlang CCC aṭangin mi pakhat an chhuak.

Mizorama Covid-19 positive hmuh chhuah tawh chu mi 2,150 an ni a, mipa 1,778 leh hmeichhia 372 an ni. SRH-ZMC Bulletin tarlan danin, hripui vei hmuh tawh mi 2,150 zinga 1,927 (89.63%) chu an fihlim tawh avangin an chhuak tawh a, enkawl mek mi 223 (10.37%) an la awm. Enkawl mek zingah Covid-19 negative tawh an awm nual bawk nia thu dawn a ni.