Chin media-te leh IPR Minister inkâwm

Chin Media Network (CNM) member-te chuan nimin khan IPR minister Lal Thanzara a pisaah an kâwm a; Aizawla media hmunhmáte an tlawh bawk.

Lal Thanzara chuan, India ram leh Myanmar rama cheng Zo hnahthlak zawng zawngte chu sorkar hran hnuaiah awm mah se, ram dang mi anga inen loin, inpawh tlang taka awm thei an nih thu a sawi a, “Myanmar sorkar thara Mizo hnahthlak ṭhahnem tak Member of Parliament (MP) an ni thei hi a lawm-awm hle. Sorkar thar hnuaiah ram pahnihte inkungkaihna ṭha zawk a awm ngei ka beisei,” a ti.

CMN member-te hi CL Thanga’n a ho a, Mizoram state sor-karin chanchinbumite tana ham-
-ṭhatna a pekte leh an thawhho dante zir chiangin hun an hmang a ni. Nimin khan ZONET, DDK leh Vanglaini hmunhmáte tlawhin an zir chiang a, nizan khan MJA member-te nen Aizawl Press Club-ah zanriah an kîlho.

CMN hi kum 2012 khan Myanmar rama Chin state huam chhunga journalist-te’n an din a, tunah hian member 13 an awm mek a ni.