Minister hoin hmalakna sawiho

Lawngtlai District Sansaad Adarsh Gram Yojana (SAGY) Committee chu, nimin khan minister C Ngunlianchunga hoin Lawngtlai DC conference hall-ah an ṭhukhawm a; Lawngtlai district chhunga MLA pathumin model village atana an thlan - Vaṭhuampui, Ugulsury leh Lungtian khuaa hmalak tawhna leh hmalak zel dan turte an thlirho.

C Ngunlianchunga chuan, SAGY hnuaia model village atan a hranpaa sum ruahmanna a awm lo tih sawiin, "Sum awm lo mah se, model village atana MLA-te'n an thlan ang taka department hrang hrang aṭanga hmasawnna awm theiteah duhsak bik deuhna nei chunga kalpui chi a ni," a ti a; hmachhawp hrang hrang department-in an siamte a taka hmuh tur a awm chho zel chu lawmawm a tih thu a sawi.