Meizial cheng nuai 3 hû man

13th May, 2016

Dan phal loha Mizo-rama meizial lo lût ûmbo tura beihpui thlâkna, ‘Joint Operation on Illegal Tobacco Products (Contraband Cigarettes)’ programme hnuaiah nimin khan Aizawl New Market-ah beihpui thlak a ni a; cigarette cheng nuai 3 vel hû an man.

Joint operation-ah hian Mizoram State Tobacco Control Society, Taxation department, Legal Metrology, Mizoram police-a CID Crime hnuaia Economic Offence Wing leh Aizawl DC pisa aiawhte an tel.

New Market chhunga wholesale dawr leh an kudamte tlawhin an endik a; dawr aṭangin dan phal loha khawchhak lam
aṭanga lak luh cigarette carton 1,805, Rs. 3,00,000 vel hû an man a ni.